AMUUA BABA YAKE WA KAMBO KWA KUWANYIMA CHAKULA WADOGO ZAKE

 

Kamanda wa Polisi  mkoa wa Morogoro Alex Mkama

Na Lilian Kasenene, Morogoro 

maipacarusha20@gmail.com

KIJANA Charles Edward(22) mkulima na mkazi wa eneo la mlali Wilaya ya Mvomero mkoani Morogoro amekamatwa na polisi Kwa tuhuma za mauaji ya baba yake wa kufikia(kambo).

Tukio Hilo limetokea usiku wa kuamkia Oktoba 17,2024 katika Kijiji Cha Mlali.

Kamanda wa Polisi  mkoa wa Morogoro Alex Mkama akizumgumza na waandishi wa habari, alisema mtuhumiwa huyo alimuua Joseph Severine(56) mkazi wa Majengo Mlali.

Mkama alisema mtuhumiwa alimshambulia marehemu baba yake huyo wa kambo Kwa kumpiga na ngumi sehemu mbalimbali za mwili wake akimtuhumu kuwanyima CHAKULA wadogo zake.

Alisema chanzo Cha tukio hilo ni ugomvi wa kifamilia ambao umechochewa na ulevi uliopindukia, na upelelezi unaendelea kukamilishwa hatua zingine za maamuzi.

Aidha kamanda Mkama alitoa wito Kwa jamii kuendelea kumsimamia suala la malezi Kwa vijana wao ili kuepusha kutolea Kwa matukio mengine mabaya ka hayo.

Mwisho