WANAWAKE WA JAMII YA WABARABAIG WALIOPORWA ARDHI ZAO, WAIPONGEZA SERIKALI KWA KUWAREJESHEA ARDHI YAO

MKUU WA WILAYA YA HANANG BI. JANET MAYANJA wa upande wa kushoto akiwakabidhi hati ya viwanja wanawake wa jamii ya wabarbaigi baada ya kukosa haki ya kumiliki ardhi kwa kipindi kirefu 

wanawake wa jamii hiyo wakiwa na nyuso za furaha mara baada ya kukabidhiwa hati miliki za viwanja  hapa wakiwa na mkuu wa wilaya ya Hanang'  BI. JANET MAYANJA.

  NA: MAIPAC TEAM, MANYARA

 

WANAWAKE WA JAMII YA WABARABAIG  WANAOSHI KATIKA KIJIJI CHA DIRMA WILAYANI HANANG MKOANI MANYARA WALIOPORWA ARDHI ZAO  KWA KIGEZO CHA  KUWA WAO NI WANAWAKE  NA HAWAPASWI KUMILIKI  ARDHI KWA MUJIBU WA MILA NA DESTURI  ZA JAMII HIYO  WAMEREJESHEWA ARDHI ZAO NA SERIKALI WILAYANI HAPA.

 

 

WAKIZUNGUMZA MARA BAADA YA KUKABIDHIWA HATI MILIKI ,NA MKUU WA WILAYA YA HANANG BI. JANET MAYANJA ,WANAWAKE HAO WAMEELEZA MATESO WALIYOYAPITIA YA KUNYANG`ANYWA ARDHI ZAO, LICHA YA KURITHISHWA NA WAZAZI WAO  LAKINI BADO NDUGU WALIYAPORA MAENEO YAO NA KWA MADAI KUWA HAWANA HAKI YA KUMILIKI ARDHI KWA KUWA WAO NI WANAWAKE 

 

MWENYEKITI WA KIJIJI CHA DIRMA ISACK MATHAYO AMEPONGEZA UONGOZI WA WILAYA KWA KUTATUA MGOGORO HUO ULIODUMU KWA MIAKA 9 NA UTAKUA FUNZO KWA WANAOWAKANDAMIZA WANAWAKE KWA KIGEZO CHA MILA 

 

MKUU WA WILAYA YA HANANG BI.JANET MAYANJA AMEPIGA MARUFUKU MILA NA DESTURI KANDAMIZI KWA WANAWAKE NA KUITAKA JAMII KUBADILIKA NA KUACHANA NA MFUMO DUME UNAOWANYIMA FURSA WANAWAKE KUMILIKI ARDHI