ASKARI POLISI WATANO NA MAHABUSU 7 WAFA KWA AJALI SINGIDA

   

NA SEIF TAKAZA, IRAMBA

maipacarusha20@gmail.com

 HOSPITALI ya Kiomboi Wilayani Iramba Mkoa wa Singida imepokea maiti 12 na Majeruhi wawili waliopata ajali katika Mlima wa Sekenke leo asubuhi  baada ya lori lililokuwa limebeba mafuta  kugonga gari dogo la Polisi lilokua likotokea Shelui.

Kwa mujibu wa taarifa za awali,  kutoka kwa Mganga Mkuu wa Wilaya  ya Iramba Dkt Peter Luhega Janga amesema  kuwa gari la Polisi lilikuwa likitoka Shelui kuelekea Kiomboi, likiwa limewabeba askari watano (5) pamoja na mahabusu ambapo Askari wote  watano  pamoja na mahabusu wamepoteza maisha katika ajali hiyo.

Dereva wa lori na tingo wake wanadaiwa kuokolewa na wananchi, huku taarifa za awali zikieleza kuwa wamejeruhiwa.

 

Akizungumza na Waandishi wa Habairi Dkt Janga amesema mapema  asubuhi wapokea majeruhi wawili na marehemu 12 wakiwemo wanawake wawili na wanaume  kumi .

 

" Mpaka sasa majeruhi wawili wanaendelea vizuri akiwemo dereva wa lori la mafuta ambaye ni mwanchi wa Ruanda " aleleza Dkt Janga

 

Hata hivyo Dkt Janga ameeleza kuwa wananchi wa maeneo walikotoka Mahabusu hao wanaendelea na Zoezi la kuwatambua huku askari mtaafu wa Jeshi la Wananchi Kapteni Onesmo Mbutu amemtambua kijana wake Hassan Onesmo Mbutu (26) ambaye ametoka katika kijiji Cha Doromoni Kata ya Tulya.

 

Wengine waliotambuliwa ni Vivian Saidi (60)mkazi  i wa Kijiji cha Meli kata ya Old Kiomboi pamoa  na  Timoth Lazaro Kimaro wa  Doromoni.

Mzazi wa Hassan  Kapteni Onesmo Mbutu amesema mtoto wake alichukuliwa na Polisi kupelekwa  Mahakamani Kiomboi kwa tuhuma ya kumdhamini  rafiki yake aliyemdhamini katika mkopo wa ashilingi laki moja na nusu.

" Mimi nashangaa kuhusu kijana wangu ambaye inasemekana alimkopea rafiki yake  fedha na alikua anaenda kuelewana na mhusika lili amlipe lakini alishtukia yuko mikononi mwa Polisi na kuelezwa anapellekwa Mahakamani Kiomboi"" alieleza kwa masikitiko makubwa huku machozi yakimlengalenga

 MWISHO